`ಹುಡುಗರೇ ಎಚ್ಚರಿಕೆಯಿಂದಿರಿ, ನಿಮ್ಮ ಮೊಬೈಲನ್ನು ಚೆಕ್ ಮಾಡುವುದರಲ್ಲಿ ಹುಡುಗಿಯರು ಚಾಣಾಕ್ಷ್ಯರು, ಹಾಗೊಂದು ವೇಳೆ ಚೆಕ್ ಮಾಡುವಾಗ ಬೇಡದ ಮಸೇಜುಗಳು ಅವರ ಗಮನಕ್ಕೆ ಬಂದರೆ ನಿಮ್ಮ ಸಂಬಂಧವನ್ನೇ ಕಡಿದುಕೊಳ್ಳುತ್ತಾರೆ` ಎಂದು ವರ್ಜಿನ್ ಮೊಬೈಲ್ ಕಂಪನಿ ಇತ್ತೀಚೆಗೆ ನಡೆಸಿದ ಆನ್ಲೈನ್ ಸಮೀಕ್ಷೆಯಲ್ಲಿ ಹೇಳಿದೆ. ಪ್ರತಿಶತ ಎಪ್ಪತ್ಮೂರಷ್ಟು ಹುಡುಗಿಯರು ಹುಡುಗರ ಮೊಬೈಲ್ಗಳನ್ನು ಚೆಕ್ ಮಾಡಿ ಅವರಿಗೆ ಬಂದಿರುವ ಮಸೇಜುಗಳನ್ನು ಓದುತ್ತಾರಂತೆ. ಹಾಗೆ ಓದಿದವರಲ್ಲಿ ಪ್ರತಿಶತ ಹತ್ತರಷ್ಟು ಹುಡುಗಿಯರು ಸಂಬಂಧವನ್ನೇ ಕಡಿದುಕೊಳ್ಳುತ್ತಾರಂತೆ.
ಹುಡುಗರು ಎಷ್ಟೇ ಎಚ್ಚರಿಕೆಯಿಂದ ತಮ್ಮ ಮೊಬೈಲ್ಗಳನ್ನು ಕಾಪಾಡಿಕೊಂಡರೂ ಹುಡುಗಿಯರು ಅವರು ಸ್ನಾನ ಮಾಡುವ ಹೊತ್ತಲ್ಲಿ, ಚಾರ್ಜಿಗೆ ಇಟ್ಟ ಸಂದರ್ಭದಲ್ಲಿ ಕದ್ದು ಮುಚ್ಚಿ ಮಸೇಜ್ ಓದುವ ಹವ್ಯಾಸ ಬೆಳೆಸಿಕೊಂಡಿರುತ್ತಾರಂತೆ. ಆಸ್ಟೇಲಿಯಾದಲ್ಲಿ ಹದಿನೆಂಟರಿಂದ ಇಪ್ಪತ್ತೊಂಭತ್ತು ವರ್ಷದೊಳಗಿನ ಐದುನೂರು ಜನ ಮೊಬೈಲ್ ಬಳಕೆದಾರರನ್ನು ಸಂಪರ್ಕಿಸಿ ಈ ಸಮೀಕ್ಷೆ ಕೈಗೊಳ್ಳಲಾಗಿದೆ. ಸಮೀಕ್ಷೆಯಲ್ಲಿ ಬೆಳಕಿಗೆ ಬಂದ ಅಂಶವೆಂದರೆ ಕಾಲ್ ಮಾಡುವುದಕ್ಕಿಂತ, ಮಿಸ್ ಕಾಲ್ ಕೊಡುವುದಕ್ಕಿಂತ, ಮೆಸೇಜ್ ಕಳುಹಿಸುವುದು ಹೆಚ್ಚಿನ ಅಪಾಯವಂತೆ.
ನೀತಿ - ಹುಡುಗಿಯರು ಹತ್ತಿರ ಇದ್ದರೆ ಮೊಬೈಲ್ ಹೊರತೆಗೆಯಬೇಡಿ.
|
