ನಾವು ನಾಳೆ ನಿಮ್ಮನ್ನು ಖಂಡಿತ ಮೂರ್ಖರನ್ನಾಗಿ ಮಾಡುವುದಿಲ್ಲ. ಬದಲಿಗೆ ನಿಮ್ಮ ಮುಖದಲ್ಲೊಂದು ಮಂದಹಾಸ ಮೂಡಿಸಲಿದ್ದೇವೆ. ನಮಗೆ ಗೊತ್ತು, ಯಾರು ಏನೇ ಹೇಳಿದರೂ ನಾಳೆ ಮಾತ್ರ ಯಾರೂ ಸತ್ಯವನ್ನು ನಂಬುವುದಿಲ್ಲ, ಯಾರೂ ಸತ್ಯವನ್ನು ನುಡಿಯುವುದಿಲ್ಲ ಮತ್ತು ಎಲ್ಲರೂ ಸುಳ್ಳುಗಳನ್ನು ನುಡಿಯುತ್ತೇವೆ ಮತ್ತು ಸುಳ್ಳುಗಳನ್ನು ನಂಬುತ್ತೇವೆ.
ನಾಳೆಯ ದಿನ ಸುಳ್ಳುಗಳ ಮುಕ್ತ ಮಾರುಕಟ್ಟೆ ಮತ್ತು ಅಸತ್ಯಗಳ ಜಾಗತೀಕರಣ. ಆದರೆ ನಾವು ಮಾತ್ರ ಪ್ರಮಾಣ ಮಾಡಿ ಹೇಳುತ್ತಿದ್ದೇವೆ. ಖಂಡಿತ ನಾವು ನಿಮ್ಮನ್ನು ನಾಳೆ ಮೂರ್ಖರನ್ನಾಗಿ ಮಾಡುವುದಿಲ್ಲ. ಬದಲು ನಿಮ್ಮ ಮುಖದಲ್ಲೊಂದು ಮಂದಹಾಸ ಮೂಡಿಸಲಿದ್ದೇವೆ.
ಮೊದಲೆಲ್ಲ ಬರೀ ಶಾಲಾ ಮಕ್ಕಳು, ಬೀದಿಯಲ್ಲಿ ಆಡುವ ಮಕ್ಕಳು ಮಾತ್ರ ಮೂರ್ಖರ ದಿನವನ್ನು ಗಂಭೀರವಾಗಿ ಆಚರಿಸುತ್ತಿದ್ದರು. ಆದರೆ ಜಗತ್ತು ಬೆಳೆಯುತ್ತಾ ಬಂದಂತೆ ಸತ್ಯದ ಪ್ರತಿಪಾದಕರಾದ ಮಾಧ್ಯಮಗಳು ವರ್ಷದಲ್ಲಿ ಒಂದು ದಿನವಾದರೂ ನಾವು ಸುಳ್ಳು ಹೇಳುತ್ತೇವೆ ಎಂಬ ಸುಳ್ಳನ್ನು ಹೇಳಿ, ಬುದ್ದಿವಂತರಾದ ನಾಗರಿಕರನ್ನು ಹಳ್ಳಕ್ಕೆ ಬೀಳಿಸುವ ಆನಂದವನ್ನು ಆಚರಿಸುತ್ತಿದ್ದಾರೆ. ಈ ಮೂಲಕ ಓದುಗರು, ಅಮಾಯಕರೂ, ಹಾಗೂ ಮೂಲತಹಃ ಸಜ್ಜನರೂ ಆದ ನಮ್ಮನ್ನು ದುಃಖಕ್ಕೀಡುಮಾಡುತ್ತಿದ್ದಾರೆ.
ಆದರೆ ನಾವು ಆಣೆಯಿಟ್ಟು ಹೇಳುತ್ತಿದ್ದೇವೆ. ನಮ್ಮ ಮಾತನ್ನು ನಂಬಿ. ನೀವು ಯಾರೂ ಮೂರ್ಖರಾಗುವುದಿಲ್ಲ. ಬದಲು ನಾವು ಅಂದುಕೊಂಡಿರುವುದು ಸರಿಯೇ ಆದರೆ, ನೀವು ನಾಳೆ ಸಂತುಷ್ಟಗೊಳ್ಳಲಿದ್ದೀರಿ. ಹಾಗಾಗಿ ನಿಮ್ಮಲ್ಲಿ ಒಂದು ಪ್ರಾರ್ಥನೆ. ನೀವು ನಮ್ಮನ್ನು ನಂಬಿ. ನಾವು ನಿಮ್ಮನ್ನು ನಿರಾಶೆಗೊಳಿಸುವುದಿಲ್ಲ.
ವಸುಧೈವ ಕುಟುಂಬಕಂ ಎನ್ನುವ ಕಾನ್ಸೆಪ್ಟನ್ನು ಜಗತ್ತಿಗೆ ಕೊಟ್ಟವರು ನಾವಲ್ಲವೇ? ಪ್ರಪಂಚದ ಯಾವ ಮೂಲೆಯಲ್ಲೂ ಭಾರತದ ಯಾವುದೇ ಕೊಂಡಿಯಿದ್ದರೂ ಸಾಕು ಅವರೆಲ್ಲ ನಮ್ಮ ಬಂಧುಗಳೇ….ಭಾಯಿಸಾಬ್ ಎನ್ನುತ್ತಾ ಭಾರತೀಯ ಮೂಲದ ರಾಯ್ ಅವರ ಕಾರಿನಲ್ಲಿ ಹೇರಿಕೊಂಡು ಬ್ರಸಲ್ಸ್ಗೆ ಬಂದಿಳಿದ ಎಂ.ಎಸ್. ಶ್ರೀರಾಮ್ ಅಲ್ಲಿನ ಹಲವು ವೈವಿಧ್ಯಗಳನ್ನು ಇಲ್ಲಿ ಬರೆದಿದ್ದಾರೆ.
ದಾರಿಯಲ್ಲಿ ನನ್ನ ಲೆಕ್ಕಾಚಾರವೆಲ್ಲಾ ಏರುಪೇರಾಗುವಂತೆ ಕಂಡಿತು. ಸ್ವಲ್ಪ ದೂರ ಹೈವೇದಲ್ಲಿ ಹೋದ ಕೂಡಲೇ ರಾಯ್ ಕಾರಿನಲ್ಲಿ ಇದ್ದ ಇಂಧನ ಕೇವಲ ಹತ್ತು ಕಿಲೋಮೀಟರ್ ದೂರಕ್ಕೆ ಸಾಕಾಗುವಷ್ಟಿದೆ ಅನ್ನುವ ಕೆಂಪು ನಿಶಾನೆ ತೋರಿಸಿತು. ಕಿಟಕಿಯಲ್ಲಿ ಹಣಕಿದರೆ ಮುಂದಿನ ಇಂಧನ ಕೇಂದ್ರ ಇಪ್ಪತ್ತೈದು ಕಿಲೋಮೀಟರ್ ದೂರದಲ್ಲಿದ್ದ ನಿಶಾನೆ ಕಾಣಿಸಿತು. ಅಕಸ್ಮಾತ್ ಇಂಧನ ಆಗಿಹೋದರೆ ಈ ದೇಶದಲ್ಲಿ ಏನು ಮಾಡುತ್ತಾರೆ ಅನ್ನುವ ಪರಿಜ್ಞಾನ ನನಗಿರಲಿಲ್ಲ. ಅನೇಕ ಹಿಂದಿ ಚಿತ್ರಗಳ ವಿಚಿತ್ರ ಅನುಭವಗಳು ನನ್ನ ಮನಸ್ಸಿನಲ್ಲಿ ಹಾದು ಹೋಯಿತು, ಇಂಧನ ಮುಗಿಯುವುದು, ರೇಡಿಯೇಟರ್ ಬಿಸಿಏರುವುದು ಎಲ್ಲವೂ ಹಳೇ ಸಿನೆಮಾದ ಮಾಮೂಲಿ ಸನ್ನಿವೇಶವೇ ಅಲ್ಲವೇ? ಬೀಸ್ ಸಾಲ್ ಬಾದ್ನಲ್ಲಿ ಕಾರಿನ ರೇಡಿಯೇಟರ್ಗೆ ನೀರು ಹುಡುಕಿ ಹೊರಟ ನಾಯಕನಿಗೆ ಬಿಳಿ ಸೀರೆಯುಟ್ಟ ಮೋಹಿನಿ ಕಾಣಿಸುವ ದೃಶ್ಯ, ಅದರ ಕನ್ನಡ ಅವತರಣಿಕೆಯ “ರಾಜನರ್ತಕಿಯ ರಹಸ್ಯ”ದಲ್ಲಿ ಬಿಳಿಯ ಸೀರೆಯಲ್ಲಿ ಕಲ್ಪನಾ, ಎಲ್ಲವೂ ನನ್ನ ಮನದ ಮುಂದೆ ಸಾಗಿ ಹೋಯಿತು. ಆದರೆ ಅದೃಷ್ಟವಶಾತ್ತು, ಇದು ಸಂಜೆಯ/ರಾತ್ರೆಯ ಸಮಯವಾಗಿರಲಿಲ್ಲ…
ಅವರ ಅಂಚು ಅಂಚಿಗೂ
ಮಧ್ಯ ಪ್ರದೇಶದ ಪೆಂಚ್ ರಾಷ್ಟ್ರೀಯ ಉದ್ಯಾನದಲ್ಲಿನ ಪ್ರಾಣಿಗಳ ಚಿತ್ರಗಳನ್ನು ತೆಗೆಯಲು, ಕರಿಗಳ ಕೋರೆಗಳಿಗೆ ಕ್ಯಾಮರ ತಗಲು ಹಾಕಿದವನು ಜೆಫ್ ಬೆಲ್ ಎಂಬುವವನು. ಸೈಡ್ ವಿಸ್ಕ್ರರ್ಸ್ ಇರುವ ಫೋಟೋಗ್ರಾಫರುಗಳ ಕ್ಯಾಮರ ಕಂಡ ಕೂಡಲೇ ನಾಚಿ ನೀರಾಗಿ ದೂರಾಗುವ ಪ್ರಾಣಿಗಳು, ಟಸ್ಕ್ರರ್ಸ್ಗಳ ಕ್ಯಾಮರಗಳಿಗೆ ಯಾವುದೇ ಎಗ್ಗು ಸಿಗ್ಗಿಲ್ಲದೇ ನಿರ್ಭಿಡೆಯಿಂದ ಮೈದೋರುತ್ತಾವಂತೆ. ಮಾತ್ರವಲ್ಲ, ಕೆಲವಂತೂ, ಕ್ಯಾಮರಾಕ್ಕೆ ಕೈಹಾಕುವಷ್ಟು ಧಾರ್ಷ್ಟ್ಯ ತೋರುತ್ತಾವಂತೆ.
೧೯೭೨ರಲ್ಲಿ ಜನಿಸಿದ ಮಂದಕ್ರಾಂತಾ ಸೆನ್ ಬಂಗಾಳಿ ಭಾಷೆಯ ಪ್ರಮುಖ ಕವಿ. ಕೊಲ್ಕತ್ತಾ ಮೆಡಿಕಲ್ ಕಾಲೇಜಿನಲ್ಲಿ ಎಂ.ಬಿ.ಬಿ.ಎಸ್ ವಿದ್ಯಾರ್ಥಿನಿಯಾಗಿದ್ದ ಈಕೆ ಕವಿತೆಗಳ ಸೆಳೆತಕ್ಕೆ ಒಳಗಾಗಿ, ಕೇವಲ ಕೊನೆಯ ವೈವಾ ಪರೀಕ್ಷೆ ಉಳಿದಿದ್ದಾಗ ಓದನ್ನು ತ್ಯಜಿಸಿ ಹೊರಟಾಕೆ. ೧೯೯೯ರಲ್ಲಿ ಮಂದಕ್ರಾಂತ ಪ್ರಕಟಿಸಿದ ಸಂಕಲನ `ಹ್ರಿದಯ್ ಅಬಾಧ್ಯ ಮೆಯೆ’ (ಪುಂಡು ಹುಡುಗಿಯಂಥ ನನ್ನ ಹೃದಯವೆ) ಸುಪ್ರಸಿದ್ಧವಾಯಿತು. ಅದೇ ವರ್ಷ ’ಆನಂದ ಪುರಸ್ಕಾರ’ವನ್ನು ಗಳಿಸಿದ ಅತ್ಯಂತ ಕಿರಿಯ ಕವಿಯೆಂಬ ಖ್ಯಾತಿಯೂ ಆಕೆಗೆ ಲಭಿಸಿತು. ೨೦೦೩ರಲ್ಲಿ ಕೇಂದ್ರ ಸಾಹಿತ್ಯ ಅಕಾಡೆಮಿ ಸುವರ್ಣ ಮಹೋತ್ಸವ ಪುರಸ್ಕಾರ. ಈಗ ಮಂದಕ್ರಾಂತಾ ತನ್ನ ಪತಿಯೊಡನೆ ’ಬ್ರಿಷ್ಟಿದಿನ್’ ಎಂಬ ಪತ್ರಿಕೆಯೊಂದರ ಸಂಪಾದಕಿಯಾಗಿದ್ದಾರೆ.
ಚೀನಾ, ಟಿಬೆಟನ್ ಧರ್ಮಗುರು ದಲಾಯಿಲಾಮಾರನ್ನು ಮತ್ತೆ ಹೊಸದಾಗಿ ಇನ್ನಷ್ಟು ಹೆಚ್ಚು ದ್ವೇಷಿಸಲು ತೊಡಗಿರುವುದು ಇತ್ತೀಚಿನ ಸುದ್ದಿ. ಆದರೆ ಇದಕ್ಕಿಂತಲೂ ಹೊಸ ಸುದ್ದಿ ಹತ್ತು ವರ್ಷಗಳ ಹಿಂದೆ ಕಂಪ್ಯೂಟರ್ ಕ್ಷೇತ್ರದ ಕ್ರಾಂತಿಕಾರಿ ಆಪಲ್ ಸಂಸ್ಥೆ ಚೀನಾವನ್ನು ಸಂತುಷ್ಟಗೊಳಿಸಲು ತನ್ನ ಜಾಹೀರಾತಿನಿಂದ ದಲಾಯಿಲಾಮಾರನ್ನು ಹೊರಹಾಕಿತ್ತು ಎಂಬುದು.
ಇಂಕ್ಲಿಂಗ್ ನಿಯತಕಾಲಿಕದಲ್ಲಿ ಪ್ರಕಟವಾಗಿರುವ 
ತರುಣ ಕವಿಯೊಬ್ಬನಿಗೆ ರಿಲ್ಕ್ ಬರೆದ ನಾಲ್ಕನೇ ಪತ್ರ. ಅನುವಾದ- ಓ.ಎಲ್.ನಾಗಭೂಷಣಸ್ವಾಮಿ.
ಗೆಳೆಯಾ, ನೀನು ಬರೆದ ಪತ್ರಕ್ಕೆ ಬಹಳ ದಿನಗಳಿಂದ ಉತ್ತರ ಬರೆಯಲು ಆಗಿಲ್ಲ. ನೀನು ಬರೆದದ್ದನ್ನು ಮರೆತಿದ್ದೇನೆ ಎಂದಲ್ಲ. ಹಳೆಯ ಕಾಗದಗಳನ್ನು ಓದುವಾಗ ಅದು ಸಿಕ್ಕರೆ ಮತ್ತೆ ಓದಿದಾಗ ನೀನು ಇಲ್ಲೇ ನನ್ನ ಸಮೀಪದಲ್ಲೇ ಇರುವೆಯೇನೋ ಅನ್ನಿಸುತ್ತದೆ. ಅದು ನೀನು ಮೇ ಎರಡನೆಯ ದಿನಾಂಕದಂದು ಬರೆದ ಪತ್ರ. ಅದನ್ನು ಸದ್ದುಗಳಿಗೆ ವಸ್ತುಗಳೆಲ್ಲ ಗದಗದಿಸುವ, ಪ್ರತಿಯೊಂದು ವಿಷಯವೂ ಪ್ರತಿಧ್ವನಿಗಳಲ್ಲಿ ಮಸುಕಾಗಿಬಿಡುವ ಪ್ಯಾರಿಸ್ ನಗರದಲ್ಲಿ ಕೂತು ಅದನ್ನು ಓದಿದ್ದಾಗ ಅನಿಸಿದ್ದೇ ಬೇರೆ; ಇಲ್ಲಿ ಓದುವಾಗ ಅನ್ನಿಸುವುದೇ ಬೇರೆ. ಇಲ್ಲಿನ ಮಹಾ ಮೌನ, ಮಹಾ ವಿಸ್ತಾರದಲ್ಲಿ ಕುಳಿತು ನಿನ್ನ ಆ ಪತ್ರ ಓದಿದರೆ ಬದುಕಿನ ಬಗ್ಗೆ ನಿನಗಿರುವ ಕಳಕಳಿ ಮನಸ್ಸು ತಟ್ಟುತ್ತದೆ.
ಗುಂಡುಸೂಜಿಯಿಂದ ಹಿಡಿದು ಹಲ್ಲು ಕೀಳುವ ಇಕ್ಕಳದ ತನಕ ಪ್ರತಿಯೊಂದನ್ನೂ ತಯಾರಿಸಿ ರಫ್ತು ಮಾಡುತ್ತಿದ್ದ ಚೀನಾ ಜಾಗತೀಕರಣದಿಂದ ಎಷ್ಟು ಲಾಭ ಪಡೆದುಕೊಂಡಿತ್ತೋ ಅಷ್ಟೇ ಪ್ರಮಾಣದ ನಷ್ಟವನ್ನೂ ಅನುಭವಿಸಬೇಕಾದ ಸ್ಥಿತಿ ನಿರ್ಮಾಣವಾಗಿದೆ. ಚೈನಾ ಆಟಿಕೆ, ಚೈನಾ ಬೈಸಿಕಲ್, ಚೈನಾ ಸೋಪ್, ಚೈನಾ ಮಾರ್ಬಲ್ಸ್, ಚೈನಾ ಪಿಠೋಪಕರಣ ಎಂದೆಲ್ಲಾ ಅಂತಾರಾಷ್ಟ್ರೀಯ ಮಾರುಕಟ್ಟೆಯನ್ನು ತುಂಬಿಕೊಂಡಿದ್ದ ಚೈನಾ ಮೇಡ್ ಉತ್ಪನ್ನಗಳು ಈಗ ಮೊದಲಿಷ್ಟು ಏಕಸ್ವಾಮ್ಯತೆಯನ್ನು ಉಳಿಸಿಕೊಂಡಿಲ್ಲ. ಏಷ್ಯಾದ ಇತರ ದೇಶಗಳೂ ಇಂತಹ ಸಣ್ಣ ಕೈಗಾರಿಕೆಗಳತ್ತ ಒಲವು ತೋರಿಸಿದ ನಂತರ, ಅಲ್ಲಿ ಮಾನವ ಸಂಪನ್ಮೂಲಗಳು ಇಲ್ಲಿಗಿಂತಲೂ ಕಡಿಮೆ ದರದಲ್ಲಿ ಲಭ್ಯವಾಗಲು ತೊಡಗಿದ ನಂತರ, ಚೀನಾದ ಲಕ್ಷಾಂತರ ಕೈಗಾರಿಕೆಗಳು ಆರ್ಥಿಕ ನಷ್ಟದಿಂದ ನೆಲಕಚ್ಚಿವೆ ಎನ್ನುತ್ತದೆ ಬಿಸಿನೆಸ್ ವೀಕ್ ನಿಯತಕಾಲಿಕದ ವರದಿ.
ಛೋಟೆ ನವಾಬ್ ವೀರೇಂದ್ರ ಸೆಹ್ವಾಗ್ಗೆ ವೃತ್ತಿಜೀವನದ ಶ್ರೇಷ್ಠ ಫಾರ್ಮ್ಗೆ ಮರಳಲು ಇದಕ್ಕಿಂತ ಉತ್ತಮ ವೇದಿಕೆ ಸಿಕ್ಕುತ್ತಿತ್ತೋ ಇಲ್ಲವೋ. ಆಸ್ಟ್ರೇಲಿಯಾದಲ್ಲಿ ನಡೆದ ಟೆಸ್ಟ್ ಸರಣಿಯ ಮೊದಲೆರಡು ಪಂದ್ಯಗಳಲ್ಲಿ ಬೆಂಚು ಕಾಯುತ್ತ ಕುಳಿತಿದ್ದ ಈ ಹೊಡಿಬಡಿ ಖ್ಯಾತಿಯ ಆಟಗಾರ, ತವರಿನಲ್ಲಿ ದ.ಆಫ್ರಿಕಾ ವಿರುದ್ದ ಆರಂಭವಾಗಿರುವ ಕ್ರಿಕೆಟ್ ಟೆಸ್ಟ್ ಸರಣಿಯ ಮೊದಲ ಇನಿಂಗ್ಸ್ನಲ್ಲೇ ಅಜೇಯ ತ್ರಿಶತಕ ಸಿಡಿಸಿದ್ದಾರೆ. ಈ ಮೂಲಕ ಎರಡು ತ್ರಿಶತಕ ಬಾರಿಸಿದ ವಿಶ್ವದ ಮೂರನೇ ಬ್ಯಾಟ್ಸ್ಮನ್ ಎಂಬ ಕೀರ್ತಿ ಗಳಿಸಿದ್ದಾರೆ.
ಬೌದ್ಧ ವಿಹಾರಗಳು, ಫ್ಲೋಟಿ೦ಗ್ ಮಾರ್ಕೆಟ್ಗಳು, ಅರಮನೆಗಳು ಮತ್ತು ಫುಟ್ ಮಸಾಜ್ ಪಾರ್ಲರ್ಗಳು- ಥಾಯ್ಲೆಂಡ್ನ ಆನಂದಗಳನ್ನು ಅನುಭವಿಸಲು ಹೋದ ಕನ್ನಡದ ಲೇಖಕಿ ಉಮಾ ರಾವ್ ಇಲ್ಲಿ ಬರೆದಿದ್ದಾರೆ.
ನಮ್ಮ ಆರನೇ ಮಹಡಿಯ ರೂಮಿನಿ೦ದ ಕೆಳಗಿಳಿದರೆ, ಅಲ್ಲೇ ಟೀ ಶರಟುಗಳು, ಟೋಪಿಗಳು, ಸರೋ೦ಗ್ ಗಳು, ಜೊತೆಗೇ ಪ್ರಾರ್ಥನಾ ಚಕ್ರಗಳು, ಬುದ್ಧ ವಿಗ್ರಹಗಳನ್ನು ರಾಶಿ ರಾಶಿ ಮಾರುವ ಸಾಲುಸಾಲು ಅ೦ಗಡಿಗಳು. ಕ್ಯಾಲ್ ಕ್ಯುಲೇಟರ್ಗಳನ್ನು ಕೈಯ್ಯಲ್ಲಿ ಹಿಡಿದೇ ಕರೆಯುವ ಚುರುಕು ಹುಡುಗಿಯರು. ಜನ ತು೦ಬಿದ ರಸ್ತೆಗಳಲ್ಲಿ ನುಸುಳುವ ಟುಕ್ ಟುಕ್ ಗಳು - ಇವುಗಳು ನಮ್ಮ ಆಟೋಗಳ ಅಪರಾವತಾರ, ಅದೇ ಮೀಟರ್ ಚೌಕಾಸಿ, ಅದೇ ಕರ್ಕಶ ಶಬ್ದ, ಆದರೆ ಅಷ್ಟೇ ಅನುಕೂಲ. ಮೂಲೆ ಮೂಲೆಗಳಲ್ಲಿ ಚೌಮೀನ್, ಸೂಪ್, ಫ್ರಾಯ್ಡ್ ರಾಯ್ಸ್, ಬಿಸಿಬಿಸಿಯಾಗಿ ತಯಾರಿಸಿ ಕೊಡುವ ಗಾಡಿಗಳು. ಸ್ವಲ್ಪವೇ ದೂರದಲ್ಲಿ, ದೊಡ್ಡ ಪರಾತಗಳಲ್ಲಿ ಮುಲು ಮುಲು ಮಾಡುವ ಹಾವುಗಳು. ಗಿರಾಕಿಗಳು ತಮಗೆ ಬೇಕಾದ್ದನ್ನು ಆರಿಸಿ ಕೊಟ್ಟ ಕೂಡಲೇ, ಅದರ ಚರ್ಮ ಸುಲಿದು, ಸಿಗಿದು ಬೇಯಿಸಿ ಕೊಡುವ ತಜ್ನ ಶೆಫ್ ಗಳು. ಸ೦ಸಾರಸಮೇತ ಬ೦ದು ಸ್ಟೂಲುಗಳ ಮೇಲೆ ಕೂತು ತಿನ್ನುವ ಜನ. (‘ಇಲ್ಲಿ ಗ೦ಡ, ಹೆ೦ಡತಿ ಇಬ್ಬರೂ ಬೆಳಗಾಗೆದ್ದು ಕೆಲಸಕ್ಕೆ ಹೋಗುವುದರಿ೦ದ ತು೦ಬಾ ಜನ ಮನೆಯಲ್ಲಿ ಅಡುಗೆ ಮಾಡುವುದೇ ಇಲ್ಲ ಅಷ್ಟು ಟೈಮ್ ಸೇವ್ ಮಾಡ್ತಾರೆ. ಗಾಡಿಗಳಲ್ಲಿ, ಮನೆ ಅಡುಗೆಯ೦ತೆಯೇ ಫ್ರೆಶ್ ಫುಡ್ ಸಿಗುವುದರಿ೦ದ ಎಲ್ಲರೂ ಇಲ್ಲೇ ಬ೦ದು ಬಿಡುತ್ತಾರೆ’ ಎ೦ದು ಬೆಳಿಗ್ಗೆ ನಮ್ಮ ಗೈಡ್ ಕಿಮ್ ಹೇಳಿದ್ದು ನೆನಪಾಯಿತು. ಅವಳ ನಿಜವಾದ ಥಾಯ್ ಹೆಸರು ಟಸಾನಿ ಅ೦ತೆ. ಆದರೆ ಬರುವ ಯಾತ್ರಿಕರಿಗೆ, ಮುಖ್ಯವಾಗಿ ಪಾಶ್ಚಾತ್ಯರಿಗೆ ಕರೆಯಲು ಕಷ್ಟ ವಾಗಬಹುದೆ೦ದು ಕಿಮ್ ಎ೦ದು ಬದಲಾಯಿಸಿಕೊ೦ಡಿದ್ದಳು!)
